wjnter leide, grüne heide
wjnter leide grüne heide
hat verderbet vnd den walt.
wan mag schôwen an den ôwen,
da lit nv der rife kalt.
ich wirde alt von selken dingen.
noch klage ich ein ander not,
das dú liebe mich wil twingen,
der ich mich ze dienste ie bot.
ich wil singen, zôren bringen,
das ich nach ir iamers won.
iamers schrike lide ich dike,
das tût minem herzen we.
ich wil tvmber disen kvmber
liden mvs aber als ê.
swies erge, ich mvs doch sorgen
beide naht vnd ôch den tag,
das ich abent noch den morgen
si niht sol noch sehen mag.
vnverborgen mvs ich worgen
in ir banden, dvnket mich.
T: Ulrich von Winterstetten-Schmalegg (1242–1280)
M: Hraban vom Rauenegg
Musik und Satz dieses Werks stehen unter einer Creative Commons-Lizenz.
|
|
